Әуежай қызметкерін кепілге алған ер адам бұған дейін автобуста жолаушыны ұрғаны үшін сотталған
2024 жылы желтоқсанда оның оның бір жылға бас бостандығы шектелген.
Алматы, NEGE. Естеріңізде болса, өткен жылы Алматыда ер адам автобуста әйелді ұрып жіберген болатын. Алматы полициясы қоғамдық көлікте әйелді ұрған ер адамды ұстап, бұзақылық дерегі бойынша қылмыстық іс қозғады.
Алматы полициясы бүгін Алматы әуежайында қызметкерді кепілге алған ер адамның бұған дейін қоғамдық көлікте жолаушыға шабуыл жасаған кісі екенін растады.
«Алматы қалалық полиция департаменті екі іске де бір адамның қатысы бар екенін растайды.
Бұрын хабарланғандай, қоғамдық көліктегі оқиғадан кейін Алмалы аудандық ПБ-на қарасты полиция бөлімі қылмыстық іс қозғады. Күдікті ұсталып, уақытша ұстау изоляторына қамалды.
Сот тергеу барысында бұлтартпау шарасы ретінде үйқамаққа алу шарасын таңдады.
Сотқа дейінгі тергеу аяқталғаннан кейін қылмыстық іс материалдары сотқа жолданды. Өткен жылдың желтоқсан айында сот ер адамды бір жылға бас бостандығын шектеу жазасына кескен», – делінген хабарламада.
