NEGE. ҚР Бас прокуратурасы Алматы маңындағы ұшақ соғылған ғимараттардың заңдылығын тексереді. Бұл жөнінде Бас прокурордың орынбасары Марат Ахметжанов Орталық коммуникациялар қызметінде өткен брифингте айтты.
«Өкінішке қарай, елімізде осындай оқиға орын алды. Президенттің тікелей тапсырмасы бар. Апат орнындағы ғимараттың қаншалықты заңды немесе заңсыз салынғанын тексереміз. Сонымен бірге, Алматы әуежайы ғана емес, барлық әуежайлар маңындағы жер телімдерінің жеке меншікке қалай берілгенін анықтаймыз», – дейді Марат Ахметжанов Орталық коммуникациялар қызметінде өткен брифингте.