Әуесқой желаяқ әйгілі Болттың рекордын жаңартты
Үндістандық құрылысшы Сринивас Гуда дәстүрлі «Камбала» жарысында 100 метрді 9,55 секундта жүгіріп өтіп, әйгілі желаяқ Усэйн Болттың 2009 жылғы Әлем чемпионатында орнатқан әлемдік рекордын (9,58 секунд) жаңартты. Әуесқой спортшы 142 метр қашықтықта 13,62 секундта артқа тастаған.
Алматы, NEGE. Дегенмен ВВС-тың хабарлауынша, бұл жетістік ресми тіркелмейді. Оның себебі, «Камбала» жарысының өз шарты бар. Үміткер қосақталған екі буйволды алдына салған күйі жүгіруі тиіс. Ең қызығы, жарыс ашық алаңда емес, суы балтырды қағатын күріш алқабында өтеді.
Сринивас Гуданың бұл нәтижесі ресми тіркелмесе де, әлем жұртшылығын таң қалдырды. «Біздің жігіт нағыз желаяқ, оны басқалармен салыстыруды қаламаймыз», - депті Флондер Академиясының президенті, профессор Гунапала Кадамба.
«Камбала» – Үндістан халқы үшін ең қызықты спорт бірі. Оның тарихы тым тереңде. Жергілікті халық кемінде 900 жыл бұрын пайда болған деседі. Күріш алқабындағы аламан жылына екі рет: күзде және ерте көктемде өтеді.
