Әуе тасымалдаушылары үшін домбыраның құны көк тиын
Сапарға шыққан адам әр нәрсеге кіріптар. Бірінші кезекте мінген көлігіне, екінші – жолаушыға қойылатын талапқа. Әсіресе әуежайдың тәртібі қиын әрі түсініксіз болып келетіні бар. Кейде ешкімге кедергісі де, зияны да жоқ, әрі сыйымды бұйымды өзіңмен бірге салонға алып өте алмайсың. Себебі рұқсат жоқ.
Қолыңызға ұстап кіруге болатын бұйымды ақша төлеп багажға өткізуге мәжбүр етіп жатады. Жуырда сондай бір жағдай халық әртісі Мақпал Жүнісованың басынан өтіпті. Әншінің бас киімі мен домбырасын әуежай қызметкерлері салонға өткізбей қойған екен. Бұл оқиғаны NEGE.kz жаңалықтар порталының бас редакторы Ерік Рахым Дэйв Кэрролл деген Америка музыкантының бастан кешкен қиямет қайым хикаясымен ұштастыра келтіріп әдемі баяндапты.
Мақпал домбырасының әуежайдағы күйін күйттесе, Дэйв те дәл осындайды гитарасымен бастан кешірген екен. Бірақ Дэйв ақыры сынған гитарасы үшін қоғамды да, әуе компаниясын да дүр сілкіндіріпті.
