Ауа райы: Жаңбыр жауып, қарға ұласады
Республикамыздың басым бөлігінде жауын-шашын, қар жауады. Оңтүстік-батысында шаңды дауыл соғып, солтүстігінде, орталығында және шығысында көктайғақ болады.
Алматы, NEGE. Бұл туралы «Қазгидромет» ауа райын болжау орталығы мәлімдеді. Ақмола облысының солтүстік-батысында, оңтүстік-шығысында, ШҚО-ның солтүстігінде тұман түседі, жаяу бұрқасын соғып, көктайғақ болады. Облыстың басым бөлігінде жел секундына 15-20, екпіні 23-28 метрге дейін күшейеді.
Жамбыл облысында тұман, көктайғақ болады. Облыстың батысында, оңтүстік-батысында және таулы аудандарында секундына 15-20, екпіні 25 метрге дейін жел соғады.
Түнде және таңертең Атырау облысының батысында, Түркістан облысының таулы аудандарында тұман түсіп, облыстың солтүстігінде және орталығында жел жылдамдығы секундына 15-20 метрге дейін күшейеді.
СҚО-да көктайғақ болып, жаяу бұрқасын соғады.
Түнде Павлодар облысының оңтүстігінде, Ақтөбе облысының солтүстігінде, БҚО-ның шығысында көктайғақ болып, басым бөлігінде жел секундына 15-20 метрге күшейеді.
Күндіз Маңғыстау облысының оңтүстік-батысында және солтүстік-шығысында секундына 5-20 метр жылдамдықпен шаңды жел мен дауыл соғады.
