Аттестациядан өту үшін мұғалімдерден ақша жинаған – БҒМ
Шығыс Қазақстан облысында мұғалімдер арасында жанжал туындады.
Алматы, NEGE. Аймақтағы балабақшалардың бірінде меңгеруші мемлекеттік аттестациядан өту үшін әріпетестерінен ақша жинаған. Бұл туралы Білім және ғылым министрлігі мәлімдеді. Мекеме меңгерушісі қызметінен босатылған.
«24 тәрбиешіден балабақша меңгерушісінің мемлекеттік аттестациядан өту үшін ақша жинағаны туралы арыз келіп түсті. Қазір бұл мәселені жауапты органдар қарауда. Білім бөлімінің басшысының сөзінше, мекеме меңгерушісіне бұған дейін екі рет сөгіс жарияланған», – деді Білім беру қызметімен айналысуға лицензия беру бөлімінің басшысы Сәуле Балтабаева.
Білім саласында сапаны қамтамасыз ету комитетінің дерегінше, мұғалімдер ұжымынан түрлі себептерге байланысты ақша жинау туралы анонимді арыздар келіп түседі екен. Бұған дейін құқық бұзушылықтар жайлы Түркістан және Алматы облысының мұғалімдері хабарлаған.