Атышулы «Гарант 24-ке» қатысты тергеу аяқталды
Оның қорытындысына сай алаяқтық жасады деген күдікпен 56 тұлға ұсталды.
Алматы, NEGE. Қазір 30-ы қамауда отыр. Тағы 5 күдіктіге халықаралық іздеу жарияланды. Бұл туралы Тергеу департаментінің бастығы Санжар Әділов онлайн брифингте айтты. Еске сала кетейік, қаржы пирамидасын құрғандар 18 мың адамды сан соқтырған. Келтірілген шығын көлемі 22 млрд теңге шамасында. Жапа шеккендердің ақшасы сот шешімі бойынша қайтарылады. Қылмыстың мұндай түрінің азаймауына азаматтардың тез табысқа кенелемін деген соқыр сенімі себеп болып отыр. Сондықтан ІІМ-нің өкілдері халықты күмәнді кәсіпке ақша салмауға шақырады.