Атыраулық әйел екі баласын тұншықтырып өлтірді
Атыраулық келіншек 3 жас және 11 айлық балаларының өліміне күдікті ретінде ұсталды.
Алматы, NEGE. 29 жастағы әйел босанғаннан кейін депрессияға түсіп кеткен.
Қайғылы оқиға 23 наурыз күні Ақтөбе облысының Қандыағаш қаласында болды. Сенімді дереккөздерге сүйенсек, келіншек балаларын өз қолымен тұншықтырып өлтірген.
Полиция кәмелет жасқа толмаған екі баланың денесі табылғанын растады.
«Балалардың өліміне күдікті ретінде анасы ұсталды. Ол Атырау облысының тұрғыны. Алдын ала мәліметтер бойынша, ол босанғаннан кейін депрессияда болған. Қылмыстық іс қозғалды, күдікті уақытша үстау изоляторына қамалды», – деп хабарлады Ақтөбе облысы ПД бастығының орынбасары Ғалым Байжанов.
Қайғылы оқиғаға қатысты тергеу жұмыстары полиция басшылығының бақылауында екені хабарланды
Қазір оқып жатыр
ҰҚК әзілкеш Нұрлан Сабуровқа қатысты жүргізілген тексеру нәтижесін жариялады
Дүниежүзілік көшпенділер ойындарына жауапты болған Наиль Нұров қамауға алынды
Астананың жылу, электр және су желілері 4,5 млрд теңгеден астам қаржыға жаңартылмақ
«Челсиге» ауысатын Дастан Сәтпаев 17 маусымда «Қайрат» сапындағы соңғы матчын өткізеді
