3 Қараша 19:26
...
Атыраудан ұшып шыққан FlyArystan ұшағы екі рет Ақтау әуежайына қона алмады
«Атырау-Ақтау» бағытына қатынайтын ұшақ Маңғыстау облысының орталық әуежайына екі рет қона алмай, кері оралды.
Алматы, NEGE. «Атырау – Ақтау» бағытындағы 7277 рейсін жүзеге асырушы «FlyArystan» әуе компаниясы ұшақ 2024 жылы 2 қарашада сағат 06:40-та ұшуы тиіс екенін, бірақ ауа райының қолайсыздығына байланысты рейс кешіктіріліп жатқанын жеткізді.
«Ұшу 2 қараша, сағат 21:50-ге жоспарланған. Ақтауда қатты тұман болып, көрінудің ең төменгі деңгейі тіркелді, ұшақтың қонатындай мүмкіндігі болмады, сондықтан ол Атырауға кері оралды», - деп хабарлады авиатасымалдаушы.
Екінші рет ұшақ 2024 жылы 3 қарашада сағат 06:50-де көкке көтерілді, бірақ ауа райының қолайсыздығына байланысты Ақтауға қона алмаған борт Атырауға қайта оралды.
Авиакомпания өкілдеріне жүгінген жолаушыларға сусындар, ыстық тамақ және қонақ үйден бөлме ұсынылды. Сондай-ақ олар билет ақысын толық қайтару немесе тегін қайта брон жасауға мүмкіндік берілді.
«Ақтау – Ыстамбұл рейсіне іліне алмай қалған жолаушылар да билет ақысын толық қайтара алды немесе тегін қайта брондау жасай алды», – деп атап өтті компания.
