Үстіне секіріп, тепкілеген: Атырауда ер адам аяусыз соққыға жығылған
Желіде ер адамды ұрып-соғып жатқан сәт түсірілген видео тарады.
Астана, NEGE. Оқиға Атырау қаласында болған. Бұл видеоны жергілікті блогерге бейтаныс қыз жіберген. Бейнежазбадан екі еркек бір еркекті жатқызып алып, үстіне секіріп, тепкілеп жатқанын көруге болады.
Блогердің мәлімдеуінше, бұл оқиға алаяқтық схемасымен байланысты болуы мүмкін. Желіде тараған ақпаратқа қарағанда, екі ер адам жігітті кәмелеттік жасқа толмаған қарындасымен бірге ұстап алып, ақша талап еткен. Жігіт ақша беруден баc тартқан соң оны ұрып-соғуға көшкен.
Атырау облыстық полиция департаменті өкілдері оқиғаға қатысы бар адамдар анықталып, полиция бөліміне жеткізілгенін, бұл факт бойынша қылмыстық іс қозғалғанын хабарлады.
Полицейлер болған жайттың мән-жайын анықтау үшін кешенді тергеу шаралары жүргізіліп жатқанын атап өтті.
Қазір оқып жатыр
Әл-Фарабидегі жол апаты: Zeekr жүргізушісі 10 жылға бас бостандығынан айырылды
ҰБТ басталған алты аптаның ішінде 624 талапкердің нәтижесі жойылған
CTS Астанадағы LRT-ның келесі кезеңіне Қытай биржасынан инвестиция тартыла ма?
Мәжіліс төрағасы Брест қамалы музейіне Хиуаз Доспанованың мүсінін сыйға тартты
