Атырауда жыл сайын 100 мың көшет отырғызылады
Экология мәселесін шешу үшін Атырау облысында жыл сайын 100 мыңға дейін көшет отырғызу жоспарланған. Шараға мұнай-газ секторының 20-ға жуық кәсіпорны тартылады. Бұл туралы бүгін Атырау облысының әкімі Махамбет Досмұхамбетов Орталық коммуникациялар қызметінде өткен баспасөз мәслихатында мәлімдеді.
Алматы, NEGE. «2021 жылдан бастап орман қоры мен елді мекендердің жерлерін қоса алғанда, 6 мың гектарға көгалдандыру және жасыл желек отырғызу жұмыстарын жүргізу үшін ірі мұнай-газ кәсіпорындарын тарту көзделген. Көгалдандыру жұмыстары 3 жылдан 10 жылға дейін жалғасады. Олар барлық аудандарда жүргізіледі, бұл жыл сайын 100 мыңға жуық көшет отырғызуға мүмкіндік береді. Сонымен қатар, экология, геология және табиғи ресурстар министрлігімен бірлесіп өңірдің өзекті экологиялық проблемаларын шешу бойынша Жол картасын әзірленді», – деп атап өтті әкім.
«Жол картасы» қоршаған орта сапасын жақсарту бойынша барлық салаларды қамтитын 40 тармақтан тұрады.
Жайық өзенін сақтау және тиімді пайдалану мәселесі аса өзекті. Оның ағынының шамамен 80% көрші Ресейде қалыптасады. Демек, өзеннің төменгі ағысында орналасқан аймақтың жоғары ірі су қоймалары мен гидротехникалық құрылғыларға тәуелді. Ағын көлемі соңғы 2 жылда 3 есеге қысқарды. Сондықтан Жайық пен Қиғаш 200 км-де түбін тереңдету жұмыстары бірнеше жылдан бері іске асырылып келеді.
Қазір оқып жатыр
Бекіре тұқымдас балық пен уылдырық сатып алғандар жауапқа тартылады
Петропавлда темекі тұқылынан көппәтерлі үй өртеніп, 100-ден астам адам эвакуацияланды
Қанат Бозымбаев Солтүстік Қазақстан облысында су тасқынының екінші толқынының өту барысын тексерді
Олжас Бектенов Алматы тау кластері мен Almaty Superski жобаларын жүзеге асыру қарқынын жеделдетуді тапсырды
