Атырауда тікұшақпен у шашылды деген ақпарат жалған
Мессенджерлерде тараған «Атырауда тікұшақпен у шашылды, одан балалар ауырады» деген ақпарат жоққа шығарылды.
Алматы, NEGE. Бұл туралы облыстық денсаулық басқармасы мәлім етті. «Атырауда əдейі ауру таратылып жатыр. Провизорлық стационарларға балалар керуеті əкелініп жатыр» деген мазмұнда әйел адам таратып жатқан ақпарат шындыққа сəйкес келмейді. Мұндай жалған ақпарат таратушылар еліміздің қолданыстағы заңнамасына сəйкес қылмыстық жауапқа тартылатынын ескертеміз», - деді облыстық денсаулық басқармасының басшысы Нұрлыбек Қабдықапаров.
