Атырауда тәулік ішінде 18 адамнан вирус анықталды
Атырау облысында өткен тәулікте 18 адамда коронавирус індеті ПТР арқылы расталып ауырғаны белгілі болды, – деп хабарлайды Атырау облыстық денсаулық сақтау басқармасының баспасөз қызметі.
Алматы, NEGE. Қауіпті дертке шалдыққан науқастардың 6-ы Атырау қаласынан тіркелген. Сондай-ақ, Теңіз кенішінен 9 жұмысшыдан, Жылыой, Құрманғазы, Мақат аудандарынан бір адамнан covid-19 жұқпасы анықталған.
Covid-19 инфекциясын жұқтырған науқастардың 4-інде ауру симптомды түрде өтуде.
Айта кетейік, соңғы мәліметке сәйкес, коронавирус инфекциясынан жазылып шыққандар тіркелмеді.
Қазіргі уақытта 154 адам үй жағдайында емделуде. Облыстық инфекциялық стационарда 36 науқас, ал аудандағы инфекциялық стационарда 5, Теңіз кенішінің инфекциялық стационарында 119 адам ем қабылдауда.
