Атырауда орталық көпірдің техникалық жағдайын тексеру жұмыстары басталды
Қалада 1965 жылы салынған орталық көпірдің аралық тіректерін тексеру жұмыстары басталды, деп хабарлайды ATPress.kz.
Атырау, NEGE. Арнайы тексеру нәтижелері көпір құрылысының аралық тіректерін жөндеуге арналған жобалау-сметалық құжаттаманы әзірлеу үшін қажет болады. Бұл туралы қалалық әкімдіктің баспасөз қызметі хабарлады.
- Бүгінгі күні зерттелетін учаскенің геологиясын (топырақтың ерекшеліктерін) бағалау және нақты жағдайларға жауап беретін жобаны әзірлеу үшін барлық қажетті деректерді алу үшін инженерлік-геологиялық іздестірулер жүргізілуде, - деп хабарлады Атырау қаласы әкімдігінің баспасөз қызметі.
Айта кетейік, орталық көпірді қайта жөндеу жұмыстары 20 жыл бұрын жүргізілген болатын. 2016 жылы тағайындалған көпірдің техникалық жағдайын тексеру оның кейбір тіректері ескіргенін және нысанды күрделі жөндеу қажет екенін көрсетті.
