Атырауда балалар отырған аттракцион құлады
Атырау қаласында аттракционның әткеншегі үзіліп, балалар жерге құлады. Зардап шеккен балалар ауруханаға жеткізілді. Аталған оқиғаға байланысты қылмыстық іс қозғалды.
Алматы, NEGE. Төтенше жағдай 16 шілдеде, шамамен 22:30-да болған. Ата-аналар балаларды аттракционға отырғызған, бірақ әткеншектер бірден тоқтап, құлаған.
"Балалар жеңіл жарақат алды. Алдымен оларды жедел жәрдем көлігімен облыстық балалар ауруханасына апарып, кейін үйлеріне қайтарды", – деп хабарлады полицияның баспасөз қызметі.
Атырау облысы бойынша ПД баспасөз қызметі ҚК-нің 141-бабы "Балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау" бойынша қылмыстық іс қозғағанын хабарлады.
