Атырауда автобустар халыққа тегін қызмет көрсетіп жатыр
10 қаңтар - сайлау күнi Атырау қаласында маршруттар халықты тегiн тасымалдауда, деп хабарлайды Атырау облыстық коммуникациялар қызметі.
Алматы, NEGE. "Атырау қалалық әкімдігінің бастамасына тасымалдаушы компаниялар қолдау бiлдiрiп,
барлық 26 бағытта қатынайтын көлiктер бүгін жолаушылардан ақы алмайды" дейді "Ақжайық" автопаркінің
директоры Қуантай Қалман.
Еске сала кетелік, жуырда Атырауда экологиялық автобустар пайдалануға берілді.
Метан газымен жүретін 160 автобус бүгінде халық игілігіне қызмет етуде.
Бұдан бөлек, биыл жолаушылар тасымалына жұмылдырылған автобустар санын 140-тан 250-ге дейін көбейту жоспарлануда. Бұл саптағы 220 автобус мүмкіндігі шектеулі азаматтардың қажеттіліктері үшін толық бейімделген.
Сондай ақ, биыл қалада бұрын қамтылмай келген 3 бағытқа жаңадан автобустар қатынай бастады.