Атырауда тұрғындарды тонаумен айналысқан 3 күдікті қолға түсті
Атырауда полиция тұрғындарды тонаған 3 күдіктіні қолға түсірді, деп хабарлайды Polisia.kz.
Алматы, NEGE. Атырау облысы полиция департаменті ұйымдасқан қылмысқа қарсы іс-қимыл басқармасының қызметкерлері 2 тонау қылмысының жолын кесті.
Атырауда мейманханалардың бірінде 39 жастағы тұтынушыға күш қолданып оның бағалы алтын жүзігі мен қолсағатын және 1 млн 200 мың теңге ақшасын ашық түрде тонаған 23 және 18 жастағы күдіктілер анықталып ұсталды. Сондай-ақ 45 және 42 жастағы тұрғындардың телефондарын жымқырған 36 жастағы күдікті ізін суытпай анықталып, ұсталды.
Қазір күдіктілерге қатысты тонау дерегімен тергеу амалдары жүргізілуде. Айта кетейік, тонау қылмысы үшін күдіктіге 3 жылдан 7 жыл мерзімге бас бостандығынан айыру жазасы көзделген.
