Атырауда тоғыз жасар қыздан жын шығарған емшіні полиция тексеріп жатыр
Әлеуметтік желілерде атыраулық емшінің тоғыз жасар қыздан жын шығарып жатқан бейнеролигі тараған болатын.
Алматы, NEGE. Видеода жерде жылап жатқан қызды екі ер адам ұстап тұрғаны және олардың бірі қызға сұрақтар қойғаны көрсетілген. Ол жерде тоғыз жастағы қызға Ләззат есімді 19 жастағы қыздың рухы енгені айтылған. Аталмыш видеоға қазақстандықтар наразылық білдірді.
Бала құқықтары жөніндегі уәкіл Динара Зәкиева видеоға қатысты түсініктеме берді. Ол желідегі парақшасында Ішкі істер министрлігімен және аймақтық өкілдермен тергеу жұмысы жүргізіліп жатқанын атап өтті.
«Аталмыш іс бойынша Ішкі істер министрлігімен, өңірлік уәкілдермен жұмыс істеп жатырмыз. Емшінің жеке басы мен баланың тұрып жатқан жері алдын ала анықталды», – деп жазды Динара Закиева.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
