Атырауда мектеп маңында 1-сынып оқушысын көлік қағып кетті
Полиция мәліметінше, Атырау қаласында 6 сәуір күні таңғы сағат сегіздер шамасында 46 жастағы Toyota Hiace көлігінің жүргізушісі 8 жастағы қызды қағып кеткен.
Астана, NEGE. Алдын ала мәлімет бойынша, қыз бала жолды жаяу жүргіншілер өткелі арқылы кесіп өтпек болған. Алған жарақаттары салдарынан оқушы жедел жәрдем бригадасы келгенше оқиға орнында көз жұмған.
«Бұл факт бойынша қылмыстық іс тіркеліп, тергеу жүргізіліп жатыр», – делінген хабарламада.
Полиция департаменті жүргізушілерді жол қозғалысы ережелерін қатаң сақтауға, жылдамдықты асырмауға және жаяу жүргіншілер өткелдерінде мұқият болуға шақырды.