Аймақ
Атырауда ерекше қажеттілігі бар балалар үшін жаңа жылдық іс-шара өтті
«TOPPLAY» отбасылық ойын-сауық орталығында жаңа жылдық қайырымдылық шыршасы өтті.
Іс-шараға халықтың әлеуметтік осал топтарынан және ерекше қажеттіліктері бар 180 оқушы қатысты, – деп хабарлады Өңірлік коммуникациялар қызметі.
Атырау облысы әкімдігі
«Атырау қаласында 78 мың оқушы болса, олардың 400-ге жуығы үй жағдайында білім алады. Сонымен қатар қаламыздағы 20 мектепте инклюзивті сыныптар жасақталған. Олардың әрқайсысында 8 оқушыдан оқиды. Бұл шара қалалық білім беру басқармасының жаңа жылдық іс-шаралар жоспарына арнайы санаттағы оқушыларды көбірек қамту мақсатында енгізілді. Жоспар бойынша алда Атырау қаласы әкімінің шыршасы өтеді», – деді Атырау қалалық білім беру бөлімінің басшысы Айнагүл Дүйсекенова.
Мерекелік іс-шара барысында балалар мен ата-аналар ертегі кейіпкерлерімен бірге би билеп, театрландырылған қойылымға қатысты. Кеш соңында балаларға сыйлықтар табысталды.