Атырауда екі жасар қыз электр бағаналарын жаңарту үшін қазылған шұңқырға түсіп кетті
Оқиға Атырау облысы Индер ауданы Индербор кентінде болған. Екі жасар қыз құлап кеткен шұңқыр бағана орнату үшін қазылған.
Алматы, NEGE. Бүлдіршінді оқиға орнына өрт сөндіру қызметкерлерін жеткізген көлік жүргізушісі Нұрлыбек Саламатов шығарып алды.
Балаға медициналық көмек қажет болмады.
«3 метрлік шұңқырдан баланы төтенше жағдай департаменті №5 ӨСБ жүргізуші қызметкері Нұрлыбек Саламатов шығарып алды. Әр секунд маңызды болғандықтан, қызметкерлер тез әрекет етіп, бала аман қалды. Ата-аналарға балаға мұқият болуын ескертеміз», - делінген ТЖМ таратқан хабарламада.
Индербор кентінде екі жасар қыз түсіп кеткен шұңқыр электр бағаналарын жаңарту үшін қазылған болып шықты.