Атырауда бес мың адамның қатысуымен ауқымды сенбілік өтті
Атырауда «Таза Қазақстан» акциясы аясында 5 мың адам қатысқан ауқымды сенбілік ұйымдастырылды, деп жазды 24.kz.
Алматы, NEGE.Сенбілікке облыс орталығындағы мекеме-кәспорындар, студент мен жастар және еңбек ұжымдары атсалысты. Сенбілікке қатысушылар Жайық өзенінің екі жағалауындағы 14 учаскені тазалады. Жалпы жыл басынан бері қарай облыста осындай 6 сенбілік өткізіліп, 50 тонна қоқыс жиналған еді. Тазалық акциясы облыстың барлық аудандары мен ауылдарында жыл бойы жүреді.
Дарын Шамұратов, облыс әкімінің орынбасары:
- Жобаға бастамашыл болған еріктілер «Жасыл ел – еңбек жасағы» бастамасы бойынша өткізіліп отыр. Өздеріңіз білесіздер жалпы «Таза Қазақстан» акциясының мәні бұл тек қана бір реттік сенбілік қана емес бұл жалпы тазалыққа, тазалық мәдениетін қалыптастыруға түбегейлі бетбұрыс жасау боп табылады. Бұл шара алдағы уақытта да өз жалғасын табады.
