Атырауда 9 жастағы қыздан жын шығармақ болған емші жауапқа тартылады
Атырауда Кейқуат Оспанов есімді азамат әлеуметтік желідегі парақшасында ислам медицинасымен емдейтінін ашық көрсетіп, сеанстарын парақшасына жүктеген. Қазір емшіге қатысты іс тергеліп жатыр. Бұл туралы Бас прокурордың орынбасары Ғалымжан Қойгелдиев мәлім етті, деп хабарлайды ҚазАқпарат.
Алматы, NEGE. «Бұл іс бойынша тексеру жүріп жатыр. Қазір емшіні әкімшілік жауапкершілікке тарту мәселесі қарастырылуда», - деп қысқа қайырды Ғалымжан Қойгелдиев Мәжіліс отырысынан кейін өткен баспасөз мәслихатында.
Сондай-ақ БАҚ өкілдері емшінің неліктен қылмыстық жауапқа тартылмайтыны туралы сұрады.
«Менің білуімше, баланың ата-анасынан шағым болған жоқ», - дейді ол.
Еске сала кетсек, әлеуметтік желіде ислам медицинасымен жын шығарған емші Кейкуат Оспановтың әрекеті талқыға түсіп жатқаны жайлы хабарлаған едік.
Белгілі болғандай, балалардан жын шығаратын емші бұрын Атыраудағы мешіттің күзетшісі болған.
Сондай-ақ, Атырау облыстық Полиция департаментінің баспасөз қызметі әлеуметтік желіде тараған видео тексеріліп жатқанын хабарлады.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
