Атырауда 11 жастағы бала велосипедімен лифтіге кірмек болып, шахтасына құлап кетті
Атырауда 11 жастағы бала лифт шахтасына құлап, аман қалды.
Алматы, NEGE. Бала велосипедімен лифтіге кірмек болған кезде есік автоматты түрде жабылып, өзі сыртта қалып қойған. Ал велосипеді есік пен лифт кабинасының арасында қысылып қалған.
Лифт жоғары көтеріле бастағанда, бала велосипедтен ұстап, ауада ілініп тұрып қалады. Көп ұзамай қолы тайып, ашық тұрған лифт шахтасына құлап кеткен.
Абырой болғанда, бала аман қалды. Жедел жәрдеммен ауруханаға жеткізіліп, алғашқы медициналық көмек көрсетілді. Бала ауыр жарақат алған жоқ.
