Атырау облысында шенеуніктер пара алды деген күдікке ілінді
Атырау облысында мемлекеттік қызметкерлер мүгедектікті ұзарту үшін пара алды деген күдікке ілінді. Бұл туралы Сыбайлас жемқорлыққа қарсы іс-қимыл агенттігінің баспасөз қызметінен хабарлады.
Алматы, NEGE. "ҚР Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Атырау облысы бойынша департаменті Еңбек, әлеуметтік қорғау және көші-қон комитетінің Атырау облысы бойынша департаментінің басшысы және осы ведомствоның бөлім басшысына қатысты мүгедектікті кедергісіз ұзартқаны үшін жүйелі негізде мүгедектерден 30 000-нан 70 000 теңгеге дейін пара алған қылмыстық істі тергеп жатыр", - делінген хабарламада.