Атырау облысында лотос алқабы гүлдеді
Атырау облысының Құрманғазы ауданында лотостың гүлдену маусымы басталды.
Алматы, NEGE. Аумағы 5 мың гектарды қамтитын лотос алқабын көру үшін күніне 50-ге жуық турист келеді, деп хабарлайды Атырау облысының өңірлік коммуникациялар қызметі.
Құрманғазы аудандық кәсіпкерлік және туризм бөлімінің басшысы Нұрлыбек Төлеповтың айтуынша, туристер қатары жыл сайын артуда. Сондықтан Қиғаш бойындағы лотос гүлінің алқабы – қорғау мен күтіп-баптау жұмыстарын қажет етеді.
"Лотос алқабы табиғат жағынан қорғалатын аймақ болғандықтан "Қызыл кітапқа" енген. Келген туристер табиғатты бағаламайды, олардың арасында гүлді сындырып, жұлу фактілері кездесті. Соған сәйкес, арнайы құзырлы орган тараптарынан бақылау болса екен дейміз",- деді Құрманғазы аудандық кәсіпкерлік және туризм бөлімінің басшысы Нұрлыбек Төлепов.