Атырау полициясының бастығы қамауға алынды
ІІМ мәліметінше, жоспарлы қызметтік тексеру барысында Атырау қаласы полиция басқармасының бастығы Бақтыбек Исаевтың «заңға қайшы әрекеттері» әшкереленген.
Астана, NEGE. Ведомство өкілдері Исаевқа қатысты қылмыстық іс қозғалғанын, қазіргі уақытта сотқа дейінгі тергеу жүргізіліп жатқанын хабарлады.
«Белгіленген тәртіппен ол ішкі істер органдарынан жағымсыз себептермен қызметінен босатылып, уақытша ұстау изоляторына қамалды», – делінген хабарламада.
Мұндай шешім Ішкі істер министрі жүргізіп отырған ұстанымды саясат аясында қабылданғаны атап өтіледі. Бұл саясат қызметтік тәртіп пен заңды бұзғаны үшін, атқарып отырған лауазымына қарамастан, жауапқа тартуды қамтамасыз етуге бағытталған.
Еске салайық, бұған дейін Ішкі істер министрінің бұйрығымен Атырау қаласы полиция басқармасының бастығы, сондай-ақ Атырау облысы полиция департаментінің Өзіндік қауіпсіздік басқармасы мен Есірткі қылмысына қарсы іс-қимыл басқармасының басшылары атқарып отырған лауазымдарынан шеттетілгенін жазған едік.
Қазір оқып жатыр
«Тарихты жеңімпаздар жазады» деген қағидаттың ғылымға қарсы сипатын ұмытпаған жөн – Тоқаев
Ішкі рейстердің билеті арзандай ма? Экономист ҚҚС-ның әсерін түсіндірді
Sen Sulu бренді ресейлік блогер Валя Карнавалға қатысты хейтке жауап берді
Бектенов Астанадан Нью-Йоркке тікелей рейсті жыл соңына дейін ашуды тапсырды
