Атырау облысында жасөспірім өліміне күдікті екі айға қамауға алынды
Атырау облысының прокуратурасы Махамбет ауданында жасы кәмелетке толмағанның қаза болу дерегі бойынша ақпарат жариялады, деп хабарлады aikyn.kz.
Алматы, NEGE. Полиция аталған дерек бойынша «Абайсызда қазаға ұшырату» бабымен сотқа дейінгі тергеп-тексеруді бастады. 11 шілдеде Атырау облысы прокуратурасының нұсқауымен күдіктінің әрекеті «Абайсызда жәбірленушінің өліміне әкеп соққан денсаулыққа қасақана ауыр зиян келтіру» бабымен дәрежеленіп, ол қамауға алынды, – деп толықтырды ведомство.
13 шілдеде оған қатысты екі ай мерзімге күзетпен ұстау түріндегі бұлтартпау шарасы санкцияланды. Істің тергеп-тексерілуі ерекше бақылауға алынды.«Адам және оның өмірі, құқықтары мен бостандықтары – мемлекетіміздің ең жоғары құндылықтары. Адамның өмірі мен денсаулығына қол сұғушылық заң бойынша қатаң түрде қудаланады», – деп ескертті қадағалаушы орган.
