Дүние
Атамбаевтың көмекшісі билікке келді
Қырғызстан Жогорку Кенеші (парламенті) үкіметтің жаңа құрамы мен құрылымын бекітті. Елдің экс-президенті Алмазбек Атамбаевтың көмекшісі Улукбек Марипов Қырғызстан премьер-министрі атанды, – деп хабарлайды АКИPress.
Алматы, NEGE. 3 ақпанда Жогорку Кенештің депутаттары премьер-министр қызметіне 41 жастағы Улукбек Мариповтің кандидатурасын мақұлдады. Бұған дейін ол Қырғызстан Қаржы министрлігінде, Президент кеңсесінде, Төтенше жағдайлар министрлігінде, Үкімет кеңсесінде түрлі қызметтерде жұмыс істеген және экс-президент Алмазбек Атамбаевтың көмекшісі болған.
Сондай-ақ, үкіметтің құрылымы мен құрамы да бекітілді.
Осылайша, 34 жастағы Артем Новиков бірінші вице-премьер, 46 жастағы Әсел Чынбаева әділет министрі, 61 жастағы Алымқадір Бейшеналиев денсаулық сақтау және әлеуметтік даму министрі болды.