Атақты мүсінші Тілеуберді Бинашев қайтыс болды
Қазақстанның еңбек сіңірген өнер қайраткері, мүсінші Тілеуберді Бинашев өмірден өтті.
Алматы, NEGE. Мүсіншінің қайтыс болғанын ҚР Суретшілер одағының мүшесі Марлан Нысанбаев хабарлады.
- Досымыз, әріптесіміз, белгілі мүсінші, ҚР Суретшілер одағының мүшесі, ҚР еңбек сіңірген өнер қайраткері, "Құрмет" орденінің иегері, Академия мүшесі. ҚР өнер қайраткері Тілеуберді Бинашев өмірден өтті. Иманы саламат болсын, – деп жазды Марлан Нысанбаев.
Тілеуберді Бинашевтың туындылары, атап айтқанда Күләш Байсейітова, Құрманғазы, Ахмет Жұбанов ескерткіштері, Райымбек даңғылындағы этнографиялық мүсіндері Алматының сәулет келбетін, сонымен қатар А.Қастеев атындағы мемлекеттік мұражай коллекциясын безендіріп тұр.