Спорт
Асу Алмабаев UFC турнирінде мерзімінен бұрын жеңіске жетті
Қазақстандық аралас жекпе-жек шебері Асу Алмабаев Бакуде өткен UFC турнирінде америкалық Чарльз Джонсонды жеңді.
Астана, NEGE. Жекпе-жек негізгі кард аясында ең жеңіл салмақ дәрежесінде өтті. Бұл салмақтағы спортшылар 56,7 келіге дейін өнер көрсетеді.
Кездесу үшінші раундта аяқталды.
Осылайша, Асу Алмабаев UFC-дегі қатарынан үшінші жеңісіне қол жеткізді.
Жалпы, қазақстандық файтердің еншісінде 24 жеңіс және 3 жеңіліс бар.
Бакудегі турнирде тағы бір қазақстандық спортшы Бекзат Алмахан да октагонға шықты. Ол жеңіл салмақ дәрежесінде бразилиялық Жан Мацумотомен кездесіп, төрешілердің бірауызды шешімімен жеңіліп қалды.