AstraZeneca вакцинасы балаларға сыналады
AstraZeneca әзірлеген вакцина балаларға сыналмақ.
Алматы, NEGE. Ұлыбританияда AstraZeneca әзірлеген вакцина балаларға сыналатын болды. Оған 300 еріктіні тарту көзделген. Тестілеу Корольдіктің үш қаласында өтеді. Олар: Лондон, Саутгемптон және Бристоль. Ғалымдардың айтуынша, алдыңғы зерттеулер вакцинаның ересектерге қауіпсіз екенін көрсетсе, қазіргі сынақ арқылы препараттың 6-17 жас аралығындағы балаларға қалай әсер ететінін анықтауға мүмкіндік береді. Жоспар бойынша алғашқы екпе осы айда егілуі тиіс.
Вакцина әзірлеуші топтың жетекшісі Эндрю Поллард: «Екпе егілгеннен кейін азаматтар бірнеше күн бойы өздерін әлсіз сезінетіндерін білеміз. Енді вакцинаның балаларға қалай әсер ететінін анықтау қажет», – деді.
