Астана-Новосибирск рейстері уақытша тоқтатылды
QAZAQ AIR әуекомпаниясы 30 қазандағы Астана – Новосибирск бағытындағы рейстің тоқтатылғаны туралы хабарлайды.
Алматы, NEGE. Ресей Федерациясы авиациялық басшылығының Астана – Новосибирск, Өскемен – Новосибирск бағыттары бойынша халықаралық тұрақты ұшуды орындауға рұқсат беруден бас тартуына байланысты аталған бағыттар бойынша рейстер уақытша тоқтатылды.
Жолаушыларға билеттер құнын толығымен қайтару ұсынылады. Ақшаны қайтару билеттерді сатып алған жерде жүзеге асырылады. Егер билет авиакомпаниядан сатып алынған болса, қайтару туралы өтінішті, брондау номері мен кері байланыс мәліметтерін info@flyqazaq.com поштасына жолдау қажет. Егер билет агенттікте сатып алынған болса, сол агенттікке хабарласуыңыз керек.
