Астанаға кіреберіс жолдарда жеке көліктен қоғамдық көлікке ауысып мінетін бекеттер салынады
Астанаға Қарағанды, Павлодар, Көкшетау, Қостанай, Қорғалжын бағытынан және оңтүстік бағыттан кіретін магистралдық жолдардың бәрінде жеке көліктен қоғамдық көлікке ауысып мінетін бекеттер салынады, деп хабарлайды ҚазАқпарат.
Алматы, NEGE. Бұл туралы Астана қаласы Сәулет және қала құрылысы, жер қатынастары басқармасы басшысы орынбасары Аян Смағұлов редакция сауалына жолдаған жауабында айтты.
«Көлік-трансплантациялау тораптары сыртқы және қала маңындағы әуежай, теміржол вокзалдары мен автобус вокзалдарының жүрдек қалалық рельсті көлікпен (ЛРТ, темір жол, трамвай) өзара іс-қимыл тораптары негізінде қалыптастырылады. Астананың бас жоспарында бұлар «іскерлік орталықтар» деп аталды. Аталмыш іскерлік орталықтардың құрамында аялдама пункттері, автотұрақтар, велостанциялар, электромобильдерге арналған станциялар болады. Бас жоспарда қалаға Қарағанды, Павлодар, Көкшетау, Қостанай, Қорғалжын және оңтүстік бағыттағы барлық негізгі магистральдық автожол кіреберістері бойынша, сондай-ақ халықаралық әуежайда және «Астана» және «Нұрлыжол» қолданыстағы екі теміржол вокзалында 9 негізгі көлік-трансплантациялау торабы белгіленген», - деп жазылған басқарма жауабында.
Аян Смағұловтың айтуынша, әуелі көлік ауыстырып мінетін тораптар тікелей орналастыру «К-3» деп аталатын қалаішілік сақина контуры бойынша жоспарланған. Бірақ кейін ол жоспар түзетіліп, қалаға кіретін негізгі жолдардың бәрін қамтиды деген шешім қабылданып отыр.