Астанадан Дубайға ұшқан рейс кері қайтарылды
Таяу Шығыстағы жағдайдың шиеленісуіне байланысты Air Astana Дубайға қатынайтын рейстер кестесін өзгертті.
Астана, NEGE. 12 шілде күні Астанадан сағат 07:10-да ұшқан KC205 Астана – Дубай рейсі кері бұрылып, Астана әуежайына қайтып келеді.
Ал сағат 08:50-де ұшуы тиіс болған KC897 Алматы – Дубай рейсі орындалмайды.
Әуе компаниясының хабарлауынша, жолаушылар билет құнын сатып алған жері арқылы толық қайтара алады.
Air Astana жағдайды бақылап, шетелде қалып қойған жолаушыларды жеткізу мәселесін қарастырып жатыр. Рейстер кестесіне тағы өзгерістер енгізілуі мүмкін. Осыған байланысты компания жолаушылардан ұшар алдында рейс мәртебесін тексеруді сұрады.