Астанадағы қымбат мектептің экс-директоры педофил болған ба?
Британдық Haileybury элиталық мектебінің Астанадағы бөлімшесі директоры болған Джонатан Ульмер 1989-2002 жылдары Эссексте (Англия) қызмет етіп жүрген кезінде кәмелеттік жасқа толмағандарды азғырған деген күдікке ілінген екен. Мұндай адамның Астанадағы мектепке қалай директор болғаны түсініксіз.
Baigenews.kz порталының жазуынша, Джонатан Ульмер 2017-2018 жылдары Haileybury Astana мектебінің директоры болған.
2018 жылы 31 қазанда Haileybury Astana мектебінің қамқорлық кеңесі А атты оқушыдан хат алған. Ол хатта оқушы өзін Ульмердің қалай алдап пәтеріне шақырып сексуалды зорлық көрсеткенін, мұндай әрекет оқушының 13 жасында басталып, үш жылға созылғанын жазған.
2018 жылы 3 желтоқсанда Ульмер Haileybury Astana мектебімен бейбіт келісім жасап, директор қызметінен кеткен.
