Астанадағы плац-концертте «Арланнан» түтін шықты
Астанада 7 мамыр күні өткен плац-концерт кезінде әскери техникадан түтін шыққаны түсірілген видео әлеуметтік желіде тарады. Осыған байланысты Мемлекеттік күзет қызметі жағдайдың мән-жайын түсіндірді.
Астана, NEGE. Ведомство мәліметінше, брондалған дөңгелекті машинаның өрт қауіпсіздігі жүйесі кездейсоқ іске қосылған.
Алдын ала ақпарат бойынша, «Алан» брондалған машинасының ішінде болған балалардың бірі авариялық өрт сөндіру тетігін байқамай басып қалған. Соның салдарынан қозғалтқыш пен электр сымдарын қорғауға арналған өрт сөндіру жүйесі автоматты түрде жұмыс істеген.
Мамандардың айтуынша, бұл жүйе автономды түрде жұмыс істейді және техниканың энергиямен қамту жүйесі ажыратылған жағдайда да іске қосыла береді.
Мамандар өрт сөндіргіш заттың шашырауы техника ақауын білдірмейтінін айтты.