Астанадағы LRT жүйесіне қандай мамандар қажет: қызметкерлерді қабылдау басталды
CTS компаниясы жеңіл рельсті көлік (LRT) жүйесінде оқыту және кейін жұмысқа орналастыру үшін бірнеше лауазым бойынша қызметкерлер қабылдау басталғанын хабарлады.
Астана, NEGE. Компания мәліметінше, кандидаттардың көлік, машина жасау, инженерлік немесе техникалық мамандықтар бойынша жоғары немесе арнаулы орта білімі болуы қажет. Сондай-ақ тиісті мамандық бойынша бір жылдан үш жылға дейінгі жұмыс тәжірибесінің болуы да талап етіледі.
CTS сайтында жарияланған лауазымдар:
Ғимараттар мен күзет аймағын күтіп ұстау қызметі:
- ғимараттар мен қорғау аймағын күтіп ұстау менеджері;
- күзетілетін аумақтың аға инспекторы;
- ғимараттарды жөндеу шебері.
Еңбек қауіпсіздігі және еңбекті қорғау қызметі:
- техникалық жүйелер менеджері;
- сапа менеджері;
- өрт қауіпсіздігі жөніндегі менеджер.
Мүлікті басқару бөлімі:
- қойма менеджері;
- әкімшілік басқару менеджері;
- қойма шаруашылығы технигі.
Кешенді басқару бөлімі:
- бөлім басшысы;
- кешенді және оқу басқармасының менеджері;
- өндіріс менеджері;
- экономика менеджері;
- әкімшілік басқару менеджері;
- әкімшілік-шаруашылық жөніндегі менеджер;
- нысандар мен жабдықтарды басқару менеджері;
- станция ауысымының басшысы;
- станция кезекшісі;
- қауіпсіздік менеджері;
- сапа менеджері;
- өндіріс диспетчері.
Жылжымалы құрамды жөндеу бөлімі: - өндіріс диспетчері;
- техникалық тексеру және ағымдағы жөндеу слесары;
- жоспарлы жөндеу слесары;
- жабдықтарды жөндеу слесары.
Пойыз бригадалары бөлімі: - қозғалыс менеджері;
- жол техникасының аға машинисі;
- жол техникасының машинисі.
Басқару және байланыс жүйелері қызметі: - қауіпсіздік менеджері;
- байланыс шебері;
- дабыл жүйесі шебері;
- дабыл жүйесі технигі.
Электрлік-механикалық қызмет: - жөндеу шебері;
- жөндеу слесары.
Электрлік жөндеу қызметі: - энергетик;
- электр монтері.
Жолдар мен құрылысжайларды пайдалану қызметі: - жол монтері (қараушы);
- көпір желісі монтері.
Хабарламада мамандар жұмыс берушінің есебінен оқытылатыны айтылған. Оқу мерзімі – 4 айға дейін. Оқыту Астана қаласында жұмыс берушінің есебінен жүргізіледі.
Сондай-ақ қызметкерлер Қазақстан Республикасының Еңбек кодексіне сәйкес ресми түрде жұмысқа орналастырылатыны атап өтілген.
Түйіндеме CTS-тің ресми сайты арқылы қабылданады.
