Астанадағы LRT аумағынан өрт шықты
Астанада өрт сөндірушілер Нұрмағамбетов көшесіндегі аялдама павильонында шыққан өртті сөндірді.
Астана, NEGE. 112 пультіне Сарайшық ауданы, Нұрмағамбетов көшесіндегі қоғамдық көлік аялдамасында түтін шыққаны туралы хабар келіп түскен.
Аялдама павильонының жертөлесінде түтін шыққаны анықталды. Электр кабельдері мен құрылыс қалдықтары өртенген.
Өрт сөндірушілер отты жедел сөндіріп, оның көрші бөлмелерге таралуына жол бермеді.
Зардап шеккендер жоқ. Өрттің шығу себебі анықталып жатыр.
