Астанадағы автобус апаты: Аяғынан айырылған 8 жасар қыз есін жиды
2025 жылдың 2 маусымында Астанада автобус апатынан ауыр жарақат алған 8 жасар қыз есін жиды, деді Алматы қаласы денсаулық сақтау басқармасының баспасөз қызметі.
Алматы, NEGE. 2025 жылдың 4 маусымындағы жағдай бойынша қыз әлі жансақтау бөлімінде жатыр. Бірақ ол есін жиды. Оның өміріне қауіп төніп тұрған жоқ.
«Бүгін жағдайы жақсарса, мамандандырылған бөлімшеге ауыстырылуы мүмкін. Анасы жақын жерде болады. Қызбен және оның анасымен жұмыс істеуге психологтарды да тартып жатырмыз», – деп түсіндірді дәрігерлер.
Сонымен қатар, мамандар басқа да науқастар туралы айтты. Мәселен, жансақтау бөлімінде жатқан әйел қазірдің өзінде бөлімшеге ауыстырылған. Оның жағдайы мен өміріне қауіп төніп тұрған жоқ.
Естеріңізге сала кетейік, 2 маусымда Астанада автобус жүргізушісі рөлге ие бола алмай, жол жиегіндегі бағанға соғылған болатын. Жол апатынан 10 адам зардап шеккен.
