Астанада тұрғын үй кешенінен өрт шықты
Астанада "Жеті бөшке" тұрғын үй кешені ғимараттарының бірінен өрт шықты, деп хабарлады қалалық төтенше жағдайлар департаменті.
Алматы, NEGE. Ресми мәліметке сәйкес, бүгін сағат 13:34-те өрт сөндіру қызметіне Сығанақ көшесі, 23 мекенжайы бойынша орналасқан үйде өрт шыққаны туралы ақпарат түсті. Оқиға орнына 5 көлікке мінген 25 өрт сөндіруші барды.
"Ғимарат пен балконның қаптамасы, сондай-ақ жылыту материалы тұтанған. 46 шаршы метр өртенді", - дейді департамент мамандары.
Тілсіз жау сағат 14:08-де ауыздықталды. Зардап шеккен және қайтыс болған адамдар жоқ. Қазіргі кезде өрттің себебі анықталып жатыр.