Астанада дәмхана есігін бүлдірген курьер ұсталды
Бұзақы жеткізілген тапсырысты қабылдамағаны үшін дәмхананың әйнек есігін бірнеше рет тепкілеп, айтарлықтай зақым келтіріп кеткен.
Алматы, NEGE. Осы дерек бойынша учаскелік полиция инспекторлары масаң күйде болған 23 жастағы елорда тұрғынын анықтаған.
Бұзақының өрескел әрекеті бейнебақылау камераларына түсіп қалды.
Оған қатысты ӘҚБтК-нің 147-1 бабы 1-бөлігімен әкімшілік жауапкершілік қарастырылып, жиналған материал шешім қабылдау үшін әкімшілік құқық бұзушылық істері жөніндегі мамандандырылған ауданаралық сотына жолданды.
Алкогольдік ішімдіктерді ішкені немесе мас күйінде қоғамдық орындарға шыққаны үшін құқық бұзушыға ӘҚБтК-нің 440-бабымен хаттама толтырылды.
