Астанада бұрынғы инкассатор банкоматтан ақша ұрлады деген күдікке ілінді
Ұрлық осы жылдың тамыз айында жасалған. 5 айға жуық уақыттан кейін жүргізілген тексеру барысында 3 миллион 760 мың теңге көлеміндегі қаражаттың жоқ екені анықталған.
Алматы, NEGE. Бейнебақылау камераларын қарап шыққан тәртіп сақшылары күдіктінің ізіне түседі. Бейнежазбада таңғы уақытта бетін жауып алған ер адамның банк филиалының ғимаратына қалай кіргені көрсетілген. Ол банк аппаратын ашып, қолма-қол ақша салынған дискілерді алып кеткен. Ұрлыққа бұрынғы инкассатордың қатысы бар екені белгілі болған.
Бұған дейін 27 жастағы күдікті 2 ай жұмыс істеп, ақша тасымалдаумен айналысқан. Ол жұмыстан шыққаннан кейін банкоматтың кіру кодтарын білетін болғандықтан ақша ұрлауға бел буған.
ҚР ҚК 188-бабының 3-бөлігі бойынша сотқа дейінгі тергеу амалдары жүргізілуде, ер адам кінәсін мойындады.