Астанада аспанды неге түтін торлады?
Астана тұрғындары қаланы түтін шарпып, тұманданғанына шағымданды.
Қазгидромет бұл құбылысты түсіндірді.
Алматы, NEGE. Қазгидрометтің мәліметінше, 26-28 сәуір аралығында Астанада жауын-шашынсыз, күндізгі температура фоны жоғары ауа райы басым болған.
"29 сәуірге қараған түні Солтүстік теңіздерден суық антициклон араласып, жылы ауа массаларының суық ауа массаларына ауысуы, түнгі уақыттағы тыныштық атмосфераның бұлыңғырлануына әкелді.
28 сәуір сағат 21:00-ден 29 сәуір сағат 21:00-ге дейін ауыспалы бұлт, таңертең және түстен кейін жаңбыр, найзағай болады. Солтүстік-шығыс жел 9-14, күндіз екпіні секундына 15-18 метр. Ауа температурасы түнде 7-9, күндіз 18-20 жылу", – деді синоптиктер.
Метеорологиялық жағдайлар қала атмосферасында ластаушы заттардың таралуына ықпал етеді.