Астанада жұмыс уақыты өзгерді
2025 жылғы 15 қыркүйектен бастап Астанадағы қалалық ұйымдар жаңа кесте бойынша жұмыс істейді.
Алматы, NEGE. Бұл шешім жолдардағы кептелісті азайту мақсатында қабылданды.
Өзгерістер қала орталығындағы мемлекеттік және жартылай мемлекеттік ұйымдарға қатысты болады.
«15 қыркүйектен бастап қалалық коммуналдық қызметтердің жұмыс күні сағат 07:30-да, Астана әкімдігінің жұмыс күні – 7:30-да, кейбір мемлекеттік органдар мен жартылай мемлекеттік компаниялардың жұмыс уақыты 07:30-дан 8:00-ге дейін басталады", – деп хабарлады Астана әкімдігінің баспасөз қызметі.
Соған сәйкес, осы ұйымдардағы жұмыс күні аяқталу уақыты да өзгертіледі.
Жеке құрылымдар мен бизнес, мектептер, балабақшалар, ауруханалар, емханалар, ХҚКО және басқа да әлеуметтік нысандардың жұмыс кестесі өзгермейді.
Әкімдік сондай-ақ кейбір министрліктер мен мемлекеттік органдардың жұмыс күнін бұрыннан сағат 8:00-де бастайтынын еске салды.