Астанада жүк контейнеріндегі жарылысқа қатысты қылмыстық іс қозғалды
Астанада жүк контейнеріндегі жарылысқа қатысты қылмыстық іс қозғалды, деп хабарлайды полиция департаментінің баспасөз қызметі.
Алматы, NEGE. «Аталмыш оқиғаға қатысты көлік полициясы басқармасы «Жол қозғалысы немесе темір жол көлігін пайдалану қауіпсіздігі ережелерін бұзу» бабы бойынша қылмыстық іс қозғады», - делінген хабарламада.
Оқиға орнына департамент басшылығы барды. Сонымен қатар арнайы жедел топ құрылып, оқиғаның барлық мән-жайын анықтауға кірісті.
Ақпаратқа сәйкес, жолаушылар мен жақын маңдағы тұрғындарға қауіп төніп тұрған жоқ.
