Астанада жеңістің 80 жылдығына орай өтетін парадқа 2,5 миллиард теңге жұмсалады

Алматы, NEGE. Бұл туралы Қорғаныс министрлігі хабарлады. Министрліктің мәліметінше, қаражат жанар-жағармайға, қосалқы бөлшектерге, іссапарлар мен әскерлердің қозғалысына және киім тігуге жұмсалады екен. Жеңістің 80 жылдығына арналған шеру үш кезеңнен тұрады. Алдымен әскерилердің маршы ұйымдастырылады. Артынша әскери техникалар көрсетіліп, соңында ұшақ ұшып өтеді. 

Шеруге шамамен 4,5 мың адам қатысады.Алаңда соңғы жылдары сатып алынған қару-жарақ пен әскери техниканың жаңа үлгілері ұсынылады. Бұдан басқа, ТЖМ, ІІМ және МКҰ күштерінің жаңа техникасы ұсынылады.Сонымен қатар Қазақстанның әскери қызметшілері Мәскеу мен Беларусьтегі әскери парадтарға қатысады.

Естеріңізге сала кетейік, Қазақстанда 2020 жылдан бері әскери шерулер өткізілмеген болатын. Сонымен қатар президент Қасым-Жомарт Тоқаев Путиннің Жеңістің 80 жылдығына арналған мерекелік іс-шараға шақыруын қабыл алды.