18 Қаңтар 10:00
...
Астанада XXI Халықаралық Жәутіков олимпиадасы өз мәресіне жетті
Елордада математика, физика және информатика пәндері бойынша оқушылардың XXI Халықаралық Жәутіков олимпиадасы (IZhO 2025) қорытындыланды.
Алматы, NEGE. Білім сайысына 15 елден келген 700-ге жуық оқушы мен 150 жетекші қатысты. Олимпиадада барлығы 318 медаль сарапқа салынған. Оның ішінде 69 алтын, 100 күміс және 149 қола медаль бар.
Олимпиаданың абсолютті жеңімпазы Ресей Федерациясының Санкт-Петербург қаласындағы №239 Президенттік физика-математика лицейі атанды. Қазақстандық оқушылар да жоғары нәтиже көрсетіп, 116 медаль жеңіп алды. Оның ішінде 21 алтын, 33 күміс және 62 қола медаль ел қоржынына түсті.
Жәутіков олимпиадасы дарынды жастарды анықтап, ғылымға құштарлықтарын арттыруда және елдер арасындағы достық қарым-қатынасты нығайтуда маңызды рөл атқарады.
