Астанада үй алдындағы аулада екі жасар баланы көлік қағып кетті
Қайғылы жағдай 3 мамыр күні Астана қаласындағы Иманов көшесінде орналасқан үйдің ауласында болған.
Астана, NEGE. Оқиға болған сәт бейнебақылау камерасына түсіп қалған. Бұл дерек бойынша полиция қызметі қылмыстық іс қозғады.
«Kia Seltos автокөлігінің жүргізушісі аула ішінде қозғалып келе жатып, жолға жүгіріп шыққан баланы қағып кеткен. Алған жарақаттарының салдарынан бала оқиға орнында көз жұмды», – деп хабарлады Астана қаласы полиция департаментінің баспасөз қызметі.
Қазіргі уақытта тергеу амалдары жүргізіліп жатыр.