Астанада ұлттық ат спорты түрлерінен фестиваль өтеді
Астана қаласы әкімдігінің қолдауымен және қалалық Ұлттық және олимпиадалық ат спорты түрлері федерациясының ұйымдастыруымен Республика күні мен Қазақстан мәслихаттарының 30 жылдық мерейтойына орай ұлттық ат спорты түрлерінен фестиваль өтеді, деп хабарлайды елорда әкімдігінің ресми сайты.
Алматы, NEGE. Фестиваль аясында бәйге мен көкпардан жарыстар ұйымдастырылады. Жарыстар 11-12 қазан күндері Астана маңындағы «Қазанат» атшабарында өтеді. Бәйге 12 қазан күні сағат 11:00-де басталады. Көпшілік көз тіккен жүйріктер сайысының жалпы жүлде қоры – 20 млн теңге.
Сондай-ақ, фестиваль аясында көкпардан Солтүстік аймақтың тума шабандоздарына арналған турнир өтеді. Іріктеу ойындары 11 қазан күні 09:00-ден 17:00-ге дейін өтеді. Финалдық ойындар 12 қазан күні 09:00-де басталады.
Ойындардың жалпы жүлде қоры – 12 млн теңге. Сайыс аяқталғаннан кейін көрермендер арасында бағалы сыйлықтар ойнатылады. Кіру тегін.
Қазір оқып жатыр
Hyundai, Kia және Geely сатылымы құлдырады: қытайлық көліктерге сұраныс артты
Алматы әкімдігі «Family Park-тің орнына тұрғын үй кешені салынады» деген сыбысқа жауап берді
Майқайынсыз «Алтыналмас». Владимир Ким НЕГЕ өзінің сүйікті схемасын қайталады?
ІІМ шетелдік нөмірмен жүрген көліктерге қатысты проблемалар бар екенін мойындады
